- O martes 21 de decembro celebrarase unha xornada de difusión do emprendemento feminino en economía social
A I Edición do programa Olympe Emprende, que comezaba alá polo mes de xuño, toca á súa fin despois de 76 horas de formación en liña, 12 de acompañamento personalizado, 16 de grupal e máis de 15 de networking. Remata así, a viaxe formativa das trece emprendedoras participantes.
O obxectivo desta iniciativa, impulsada por Tandem Social, Abeluria e Wazo Coop, é a de crear unha rede mentora e de acompañamento para emprendedoras do eido da economía social e solidaria que queren desenvolver a súa idea de negocio na nosa comunidade e precisan madurala e validala antes de poñela en marcha.
O vindeiro martes 21 de decembro, o Cersia Empresa, en Compostela, acollerá a sesión de peche da I Edición do Olympe Emprende. A partires das 10:30 horas e ata ás 13:00 horas levarase a cabo unha sesión de valoración do programa da man das participantes e as cooperativas promotoras. E ás 13:00 horas celebrarase o acto de peche e entrega de premios e diplomas ás emprendedoras.
Achégate para saber máis sobre o emprendemento en economía social liderado por mulleres, coñecer novos proxectos e o programa Olympe Emprende, que vén de lanzar a súa segunda edición.
Podes inscribirte na seguinte ligazón.